Darîrin Kıssa-i Yûsuf'dan

Erzurumlu Mustafa Darir

Gazel. Şi‘r-i Yûsuf.

1. Eytdi babam bile ger hâlüm benüm

Bu kuyuda nedür ahvâlüm benüm

2. Ey dirîgâ hasret ü derd-i firâk

Rûzi kıldı bana Sübhânum benüm

3. Uş ölürem bu cihâna toymadın

Ola mı bu derde dermânum benüm

4. Bana agyâr oluban arturdılar

Zâr-ı hasret derd-i efgânum benüm

5. Yâr ol dirdüm bana kardaşlarum

Olmadılar yâr sultânum benüm

6. Bitmedin soldı gülüm oldı nihân

Sünbülüm soldı vü reyhânum benüm

7. Kandadur baba kuzıcagun senün

Kuyu dibinde yatur cânum benüm

Eklenme Tarihi: 18 Ekim 2016

Yorumlar

Yorum yapabilmeniz için üye girişi yapmalısınız...

Yazarın sitemizdeki eserleri

Darîrin Kıssa-i Yûsuf'dan - Erzurumlu Mustafa Darir (Şiir)

Darîrin Kıssa-i Yûsuf'dan