Işkun Odı Arturur Her Gice Efgânum Benüm

Âşık Paşa

Gazel.

Işkun odı arturur her gice efgânum benüm

Tan budur kim derd olur her gice dermânum benüm

Niçe sırlar açılur âleme nûrlar saçılur

Bir nefes cûş eylese deryâ-yı ummânum benüm

Olalar iki cihânda mest ü hayrân olalar

Ger okınsa âleme bir safha dîvânum benüm

Fâş ola ilm-i ledünni niçe kanlar saçıla

Görinürse gözlere âlemde mihmânum benüm

Yine sensin gösteren hem sırrını örten dahı

Pes ne sırdur bu arada ad u hem sanum benüm

Işk odına yana gör Âşık dime çûn u çerâ

Çün oda yandurmağ ister seni Sübhânum benüm

Eklenme Tarihi: 30 Eylül 2016

Yorumlar

Yorum yapabilmeniz için üye girişi yapmalısınız...

Yazarın sitemizdeki eserleri

Âyet-i Hüsnün Görüp Îmâna Gelmişlerdenüz - Âşık Paşa (Şiir)

Benden mi Bana Bu Elem - Âşık Paşa (Şiir)

Dilim Bülbül Oldu Öter - Âşık Paşa (Şiir)

Işk Odı Düşdi Cânuma Eritdüm Ciger Yağını - Âşık Paşa (Şiir)

Işkun Odı Arturur Her Gice Efgânum Benüm - Âşık Paşa (Şiir)

Söyler İsem Bu Derdi Ben - Âşık Paşa (Şiir)

Tanrı Aşkından Bu Cümle Âdemi - Âşık Paşa (Şiir)