İbrahim Halilullahın Doğumu

Abdülvasi Çelebi

Halîl-nâme’den bir bölüm.

mefâ‘îlün mefâ‘îlün fe‘ûlün.

1. Çalap takdîrini tedbîr yoyamaz

Anı kim ol yazar hîç kimse yazmaz

2. Sabâh oldı müneccimler didi âh

Bu gice rahme düşdi oglan iy şâh

3. Sekiz ay olmadın turdı o Nemrûd

Cihânun halkına ol Câfî merdûd

4. Yidi sekiz yüz âdem seçdi zâlim

Ki kılalar cihânda çok mezâlim

5. Ne yirde varsa yüklü bulduralar

Anı oglancug ile öldüreler

6. Cihân toptolu şerr ü fitne oldı

Ol arada sekiz bin oglan öldi

7. Kıyâmet kopdı san kim oldı nefrîn

Zamâne kodı hayrın kıldı şerrin

8. Tokuz ay oldı çün bu hâl içinde

Bu şerr ü zulm u bu ahvâl içinde

9. Ol Azer avratı uşbu hatardan

Sıgınmışdı Hudâ’ya cümle şerden

10. Giceler taglara düşüp gezerdi

Kaçup gizlenmeye çâre düzerdi

…

Eklenme Tarihi: 21 Ekim 2016

Yorumlar

Yorum yapabilmeniz için üye girişi yapmalısınız...

Yazarın sitemizdeki eserleri

İbrahim Halilullahın Doğumu - Abdülvasi Çelebi (Şiir)

İbrahim Halilullahın Doğumu