Ehl-i Dil Yanaguna Şem-i Münevver Didiler

Ahmedî

Gazel. fe‘ilâtün fe‘ilâtün fe‘ilâtün fe‘ilün.

1. Ehl-i dil yanaguna şem‘-i münevver didiler

Boyuna Tûbî vü dudaguna Kevser didiler

2. Olmamışlardı nazar ehli nite kim nergis

Ol kişiler ki senün gözüne abher didiler

3. Bî-hatâ söz-durur ol fikret-i bârîk ile kim

Saçuna kul yaraşur müşg-ile anber didiler

4. Rûşen ol kim yüzüni bilmediler anlar ki

Ana ay u gün ü yâ Zühre-i azher didiler

5. Görmediler nicedür nazm-ı Süreyyâyı meger

Ol kişiler ki dişün ıkdına gevher didiler

6. Hüsnünün neshine hat gelmedügin görenler

Muhkemi nesh nice ide müzevver didiler

7. Ahmedî sûzını görüp sözin işidenler

Hoş-nefes böyle neden ola bu micmer didiler

Eklenme Tarihi: 18 Ekim 2016

Yorumlar

Yorum yapabilmeniz için üye girişi yapmalısınız...

Yazarın sitemizdeki eserleri

Ehl-i Dil Yanaguna Şem-i Münevver Didiler - Ahmedî (Şiir)

Saba Mesih-dem olup bahardan bu gece - Ahmedî (Şiir)

Ehl-i Dil Yanaguna Şem-i Münevver Didiler