Varka ve Gülşâhtan

Yusuf-ı Meddah

el-meclisü’s-sâdis. fâ‘ilâtün fâ‘ilâtün fâ‘ilün.

1. Ol bitürür cümle eksük işleri

Ol irürür menzile kalmışları

2. Kul kaçan kim sürçe oldur dest-gîr

İmdi Gülşâh’ı işitgil kim ne dir

3. Didi kim yâ Varka sen kırk gün dahı

Tanrı yolından bana güy iy sahî

4. Tâ ki birkaç gün geçe kim ol

Ganî Lutf idüp kabzeyleye benden cânı

5. Tâ firâkun orcınun öni olam

Vaslunun bayrâmına kurbân olam

6. Kaldı kırk gün dahı ol Gülşâh içün

Hâtırın yıkup gidemez n’eylesün

7. Çün yitürdi Varka kırk güni tamâm

Didi hergiz kalmadı ayruk kelâm

8. Yâ nigârîn el-vidâ‘ olsun sana

Kalmadı özrün helâl itgil bana

9. Çün anı işitdi Gülşâh-ı nigâr

Kalmadı cânında ârâm u karâr

10. Ol nigârîn âh kıldı âteşîn

Saldı ol tahtdan aşaga kendüzin

Eklenme Tarihi: 17 Ekim 2016

Yorumlar

Yorum yapabilmeniz için üye girişi yapmalısınız...

Yazarın sitemizdeki eserleri

Varka ve Gülşâhtan - Yusuf-ı Meddah (Şiir)

Varka ve Gülşâhtan