Sanman ki Felek Devr ile Şâmı Seher Eyler

Şinasi

Gazel - Nef'î'ye Nazîre.

Sanman ki felek devr ile şâmı seher eyler

Her vâkı'anın âkıbetinden haber eyler

Bir düş gibidir hak bu ki ma'nîde bu âlem

Kim göz yumup açınca zamânı güzer eyler

Bir yerde ki ârâma bu mikdâr ola mühlet

Erbâbı nice kesb-i kemâl ü hüner eyler

Olmuş tutalım müddet-i ârâmı da mümted

Âkil nice temyîz-i reh-i hayr u şer eyler

Teşhîs-i reh-i hayr u şer olur mu o dilde

Kim leşker-i gam birbirini bî-siper eyler

Bulmaz reh-i Hakk'ı meger ol kimse ki ana

Tevfîkini Hâdî-i ezel râh-ber eyler

Tevfîk refîk olmayıcak fâ’ide yokdur

Her kim burada akla uyarsa zarar eyler

Eklenme Tarihi: 01 Ekim 2016

Yorumlar

Yorum yapabilmeniz için üye girişi yapmalısınız...

Yazarın sitemizdeki eserleri

Arz-ı Muhabbet - Şinasi (Şiir)

Eşek ile Tilki - Şinasi (Şiir)

Hak Ta'âlâ Azamet Âleminin Pâdişehi - Şinasi (Şiir)

Şair Evlenmesi'nden - Şinasi (Tiyatro)

Sanman ki Felek Devr ile Şâmı Seher Eyler - Şinasi (Şiir)

Tercüman-ı Ahval Mukaddimesi - Şinasi (Makale)