Üyelik İşlemleri
Hoşgeldin
edebiyat dostu
Menü
Menü
Ana Sayfa
Eserinizi Ekleyin
Yeni Eklenenler
Yazarlar
İletişim
Hakkımızda
Menü
Kategoriler
Hikaye
Şiir
Makale
Deneme
Yazı Türleri >>
Köşe Yazısı
Biyografi
Destan
Efsane
Eleştiri
Fıkra
Gezi
Günlük
Hatıra
İnceleme
Masal
Mektup
Röportaj
Sohbet
Söylev
Tiyatro
Edebi Örnekler
Kısa Kısa
Belgeler
Tarih
Psikoloji
Sosyoloji
Felsefe
Arkeoloji
Sinema
Fotoğraf
Bilim
Teknoloji
Hayvanlar Alemi
Uzay
Müzeler
Mimari Anıtlar
Ders Özeti
Etkinlikler
>>
Nasa'nın Kamerasından Dünya
Haberler
Terkîb-bendden
Bâki
Mersiye-i Hazret-i Süleymân Hân.
I
Ey pây-bend-i dâm-geh-i kayd-ı nâm ü neng
Tâ key hevâ-yı meşgale-i dehr-i bî-direng
An ol güni ki âhır olup nev-bahâr-ı ömr
Berg-i hazâne dönse gerek rûy-ı lâle-reng
Âhır mekânun olsa gerek cür‘a gibi hâk
Devrân elinde irse gerek câm-ı ayşa seng
İnsân odur ki âyine-veş kalbi sâf ola
Sînende n’eyler âdem isen kîne-i peleng
İbret gözinde niceye dek gaflet uyhusı
Yetmez mi sana vâkı‘a-i Şâh-ı şîr-ceng
Ol şeh-süvâr-ı mülk-i sa‘âdet ki rahşına
Cevlân deminde arsa-i âlem gelürdi teng
Baş eğdi âb-ı tîğına küffâr-ı Üngürüs
Şemşîri gevherini pesend eyledi Freng
Yüz yire kodı lutf ile gül-berg-i ter gibi
Sanduka saldı hâzin-i devrân güher gibi
II
Hakka ki zîb ü zînet-i ikbâl ü câh idi
Şâh-ı Sikender-efser ü Dârâ-sipâh idi
Gerdûn ayağı tozına eylerdi ser-fürû
Dünyâya hâk-ı bâr-gehi secde-gâh idi
Kem-ter gedâyı az atâsı kılurdı bây
Bir lutfı çok mürüvveti çok pâdişâh idi
Hâk-i cenâb-ı hazreti der-gâh-ı devleti
Fazl u belâgat ehline ümmîd-gâh idi
Hükm-i kazâya virdi rızâyı egerçi kim
Şâh-ı kazâ-tevân u kader-dest-gâh idi
Gerdûn-ı dûna zâr ü zebûn oldı sanmanuz
Maksûdı terk-i câh ile kurb-ı İlâh idi
Cân u cihânı gözlerimüz görmese n’ola
Rûşen cemâli âleme hurşîd ü mâh idi
Hûrşîde baksa gözleri halkun tola gelür
Zîrâ görince hâtıra ol meh-likâ gelür
…
V
Gün toğdı şâh-ı âlem uyanmaz mı hâbdan
Kılmaz mı cilve hayme-i gerdûn-cenâbdan
Yollarda kaldı gözlerümüz gelmedi haber
Hâk-i cenâb-ı südde-i devlet-me’âbdan
Reng-i izârı gitdi yatur kendü huşk-leb
Şol gül gibi ki ayru düşüpdür gül-âbdan
Gâhî hicâb-ı ebre girür Husrevâ felek
Yâd eyledükçe lutfunı terler hicâbdan
Tıfl-ı şirişki yirlere girsün du‘âm odur
Her kim gamından ağlamaya şeyh u şâbdan
Yansun yakılsun âteş-i hecrünle âfitâb
Derdünle kara çullara girsün sehâbdan
Yâd eylesün hünerlerüni kanlar ağlasun
Tîğun boyınca kara batsun kırâbdan
Derd ü gamınla çâk-i girîban idüp kalem
Pirâhenini pâralesün gussadan âlem
VI
Tîgun içürdi düşmene zahm-ı zebânları
Bahs itmez oldı kimse kesildi lisânları
Gördi nihâl-i serv-i ser-efrâz-ı nîzeni
Ser-keşlik adın anmadı bir dahı bânları
Her kanda bassa pây-ı semendün nisâr içün
Hânlar yolında cümle revân itdi cânları
Deşt-i fenâda murg-ı hevâ turmayup konar
Tîgun Hudâ yolında sebîl itdi kanları
Şemşîr gibi rûy-ı zemine taraf taraf
Saldun demür kuşaklı cihân pehlevânları
Aldun hezâr büt-gedeyi mescid eyledün
Nâkûs yirlerinde okutdun ezânları
Âhır çalındı kûs-ı rahîl itdün irtihâl
Evvel konağun oldı cinân bûstânları
Minnet Hudâya iki cihânda kılup sa‘îd
Nâm-ı şerîfin eyledi hem gâzî hem şehîd
…
Eklenme Tarihi:
01 Ekim 2016
Yorumlar
Yorum yapabilmeniz için üye girişi yapmalısınız...
Yazarın sitemizdeki eserleri
Açıl Bağun Gül ü Nesrini Ol Ruhsarı Görsünler
-
Bâki
(
Şiir
)
Ezelden Şah-ı Işkun Bende-i Fermanıyuz Cana
-
Bâki
(
Şiir
)
Ferman-İ Aşka Can İledir İnkıyadımız
-
Bâki
(
Şiir
)
Hattum Hisâbın Bil Didün Gavgâlara Saldun Beni
-
Bâki
(
Şiir
)
Hoş Geldi Bana Mey-Gedenün Âb u Hevâsı
-
Bâki
(
Şiir
)
Müje Haylin Dizer Ol Gamze-İ Fettân Saf Saf
-
Bâki
(
Şiir
)
Nam u Nişane Kalmadı Fasl-i Bahardan
-
Bâki
(
Şiir
)
Reh-i Mey-Hâneyi Kat' İtdi Tîg-i Kahrı Sultânun
-
Bâki
(
Şiir
)
Serv ile kametüne kimse dimez hem-serdür
-
Bâki
(
Şiir
)
Söylemez Küsmiş Bana Canane Söylen Söylesün
-
Bâki
(
Şiir
)
Terkîb-bendden
-
Bâki
(
Şiir
)
Yardan Cevr ü Cefa Lutf u Kerem Gibi Gelür
-
Bâki
(
Şiir
)
© Metinlerin telif hakları yazarlara ya da yasal temsilcilerine aittir.